တောပျော်ရဟန်းတစ်ပါးရဲ့ ကောက်ကြောင်းလေး

ဆွမ်းမရှိပေမယ့် လမ်းရှိတယ်….။
ကွမ်းမရှိပေမယ့် ကျမ်းရှိတယ်….။
အရမ်းမသိပေမယ့်…မှန်းကြည့်တယ်…။
စမ်းမကြည့်ပေမယ့် တန်းသိတယ်….။

ရေနံချောင်းမြို့နားက အစွန်အဖျားတောရွာလေးတစ်ခုမှာ ကျောင်းထိုင်နေတဲ့ သူငယ်ချင်း တစ်ပါးရဲ့ ကဗျာလေးတစ်ပုဒ်ပါ။ မထင်မှတ်ဘဲ သူ့ဆီရောက်သွားခိုက် သဘောကျတာနဲ့ ရေးမှတ်ခဲ့ပါတယ်။ သူ့ကျောင်းလေးက ချောင်ကျကျနေရာလေးမှာပါ။ ခြောက်သွေ့သွေ့ ယိုင်တိုင်တိုင်နဲ့ မိုးလေလည်း မလုံခြုံပါဘူး။ 

သူဟာ     ဉာဏ်ထက်မြက်ပြီး အမျှော်အမြင်လည်း ကြီးမားပါတယ်။ သာသနာ့ရေသောက်မြစ် ခမ်းခြောက်သွားတဲ့ သူ့ဇာတိရွာလေးမှာ သာသနာပျိုးခင်းတွေ ပြန်လည်အညွန့် ထွက်လာဖို့ အညွန့်တလူလူဖြစ်နေတဲ့ သူ့ရဲ့အောင်မြင်ခါစ ပညာရေးလမ်းခရီးကို စွန့်လွတ်ပြီး ငယ်ငယ် ရွယ်ရွယ်နဲ့ တစ်ကိုယ်တည်း ကျောင်းထိုင်နေရသူပါ။ ဆွမ်းကွမ်းလည်း မပြည့်စုံပါဘူး။ ဒါပေမယ့် သူက မမှုပါဘူး။

 နေ့ညဉ့်မပြတ် ဘာသာသာသနာ၊ ရပ်ရွာတိုးတက်ရေးတွေ ပြုလုပ်ဆောင်ရွက်ရင်း သူ့ခံစားချက်တွေကို အိုမင်းခြတက်နေတဲ့ နံရံတွေမှာ သေသပ်လှပတဲ့ လက်ရေးလေးတွေနဲ့ အမြဲဖွင့်ထုတ်နေတတ်သူပါ။ 

အထက်က ကဗျာလေးကတော့ သူ့ရင်ထဲက အံကျလာတဲ့ သူ့ဘ၀၊ သူ့အခြအနေ ကောက်ကြောင်းလေးတွေပါပဲ….။

ဆက်ချင်ဆက်ဦးမည်……..    

စပ်မိစပ်ရာ ဟာသများ(၆)

အေး ဂွကတော့ ကျ---တတတတပဲ

          လွန်ခဲ့တဲ့ နှစ်(၄၀)ကျော်လောက်က ချောက်မြို့၊ အမှတ်(၁၄)နယ်မြေ၊ စစ်ကွင်းရပ်ထဲက အလှူတစ်ခုမှာ ဆရာတော် ၂ ပါး တစ်ပြိုင်နက်တရားဟောတဲ့ဖြစ်ရပ်တစ်ခု ဖြစ်ပွားခဲ့ဘူးပါတယ်။ အဲဒီဆရာတော် ၂ ပါးရဲ့ဘွဲ့တော်တွေက ဦးခန္တီနဲ့ ဦးစန္ဒာသီရိပါ။ သူတို့ရဲ့ဆရာဖြစ်သူ ဦးဉာဏက အစက ဦးခန္တီကို ဟောခိုင်းတာပါ။ ဦးခန္တီက ဆွမ်းလောင်းပွဲတစ်ခုလည်း သွားစရာရှိနေတော့ အပြန်နောက်ကျလိမ့်မယ်ထင်ပြီး ဦးစန္ဒာသီရိကို ထပ်ဟောခိုင်းလိုက်တာပါ။ အလှူအိမ်မှာ ကြွတော့ ဦးခန္တီက အချိန်မီရောက်လာပါတယ်။ စီစဉ်သူက မိုက်ကို ဦးခန္တီရှေ့ပို့လိုက်ပါတယ်။ သီလယူပြီးချိန်မှာ ဦးခန္တီက မိုက်နဲ့တရားဟောတော့ ဦးစန္ဒာသီရိကလည်း မိုက်မပါဘဲ မျက်စိစုံမှိတ်ပြီး ဟောပါတော့တယ်။

          ဦးခန္တီက “ဘယ်နဲ့ အသံ ၂ ခု ထွက်နေရတာလဲ” လို့ မေးတော့ အလှူဒကာက ဦးစန္ဒာသီရိကို ရပ်ဖို့လျှောက်ပါတယ်။ ဦးစန္ဒာသီရိက “ငါ့ကို ဟောခိုင်းထားတာ ဘာလို့ ရပ်ရမှာလဲ” လို့ ပြန်လည်မိန့်ကြားပြီး ဆက်ဟောနေပါတော့တယ်။ ဒီလိုနဲ့ ဆရာတော် ၂ ပါးတရားဟောသံတွေက ရှုပ်ယှက်ခတ်နေတော့ အလှူဒကာက “တော်ပြီ၊ တရားနားထောင်ရတာ စိတ်ရှုပ်တယ်။ ငါ့ဘာသာငါ အလှူကုန်ကျတဲ့စာရင်း တွက်နေတာပဲ ကောင်းတယ်” လို့ပြောပြီး စာရင်းတွက်နေပါတော့တယ်။

          နောက်တော့ မိုက်သမားဖြစ်တဲ့ ဦးခန္တီက လျှော့သွားရပါတော့တယ်။ ကျောင်းရောက်တော့ ဆရာတော်ဦးဉာဏကို အနီးကပ်ဒကာတွေက “ဆရာတော် ဘယ်လို စီမံလိုက်တာလဲ” လို့ မေးတော့ ရှင်းပြဖို့ခက်ခဲတဲ့ အခြေအနေကို တိုတိုတုတ်တုတ်နဲ့ ပြန်ဖြေလိုက်ပုံက “အေး ဂွကတော့ ကျ….. တတတတပဲ” တဲ့။

(စကားချပ်။....။ ဖော်ပြပါဆရာတော်ကြီး ၃ ပါးမှာ မရှိတော့ပါဘူး။ အလှူဒကာကြီးကတော့ ခုချိန်ထိရှိနေပြီး အသက်(၉၂)ရှိပြီလို့ ပြောကြပါတယ်။ ဆရာတော်ဦးဉာဏက သာယာဝတီဦးဥေယျရဲ့ တပည့် တစ်ပါးပါ။ သာယာဝတီဦးဥေယျဆိုတာ တစ်ချိန်က ယပ်လှဲတရားမှာ နာမည်ကြီးခဲ့တဲ့ နိုင်ငံတော်ဓမ္မ ကထိကဆရာတော်ကြီးတစ်ပါးပါ။ ဆရာတော်ဦးဉာဏက သာယာဝတီဆရာတော်ဦးဥေယျ တရား မဟောခင်မှာ ရှေ့ထွက်အနေနဲ့ မကြာခဏ ဟောခွင့်ရခဲ့သူတစ်ဦးပါ။
           
ဆရာတော်ဦးဉာဏရဲ့တပည့် ၂ပါးထဲက ဦးခန္တီဟာ သက်တော်(၁၀၆)နှစ် ရှည်တော်မူပြီး တစ်နိုင်ငံလုံးတွင် သက်တော်အရှည်ဆုံး ရတ္တညူမဟတ္တဘွဲ့ရရှိ့ခဲ့တဲ့ သီလ၊ သမာဓိ၊ သိက္ခာပြည့်စုံတဲ့ ကျမ်းဂန်တတ်ဆရာတော်ကြီးတစ်းပါး ဖြစ်ခဲ့ပါတယ်။ ဆရာတော်ဘုရားကြီးဟာ ၂၀၀၉ ခုနှစ်ကမှ ပျံလွန်တော်မူသွားတာပါ။ ဆရာတော်ကြီးတည်ထောင်ခဲ့တဲ့ကျောင်းကြီးက အတော်ကြီးကျယ်ဝန်းပြီး သစ်ကြီးဝါးကြီးများနဲ့ စိမ်းလန်းစိုပြေကာ ရောက်လာသူဒကာ၊ ဒကာမအပေါင်းရဲ့စိတ်နှလုံးကို နှစ်သိမ့် ရွှင်ပြုံးစေနိုင်ပါတယ်။ ကျောင်းဝိုင်းမြေနေရာဝယ်စဉ်က ၃၅ကျပ်ပေးရတယ်လို့ သိရပါတယ်။ ခုချိန်မှာ သိန်း(၃၅၀)ပေးလို့ မရတော့ပါဘူး။ အဲဒီကျောင်းတိုက်ကြီးဟာ မင်္ဂလာမဟာဘုံစံကျောင်း ဆိုတဲ့ အမည်နဲ့ အမှတ်(၁၄)နယ်မြေ၊ စစ်ကွင်းရပ်၊ ချောက်မြို့မှာ ယခုတိုင် တည်ရှိပါတယ်။ ဒါပေမယ့် ဦးခန္တီ ကျောင်းလို့ပဲ လူသိများပါတယ်။ ချောက်မြို့မှာ ဆရာတော်ကြီးပိုင်ဆိုင်ခဲ့တဲ့ ကျောင်းတွေ (၁၀) ကျောင်းရှိတယ်လို့ သိရပါတယ်။) 

         

အားရဖွယ်ရာ ဆွမ်းအနုမောဒနာ

           

မကွေးတိုင်း၊ ချောက်မြို့ရဲ့အရှေ့တောင်ယွန်းယွန်းဘက်မှာ သွေးနက်ဆိုတဲ့ ရွာတစ်ရွာ ရှိပါတယ်။ အဲဒီရွာက နိုင်ငံကျော်စာရေးဆရာ ချစ်နိုင်(စိတ်ပညာ)ရဲ့ဇာတိဖြစ်တဲ့ ကြေးနီရွာနဲ့ ဟိုဘက် ဒီဘက်ပါပဲ။ တရားဟောကြာတဲ့ ဦးစန္ဒာသီရိက အဲဒီသွေးနက်ရွာကျောင်းမှာ သီတင်းသုံးနေခိုက်မှာပါ။ တစ်နေ့မှာ ရွာထဲက ဦးငွေရဆိုတဲ့ဒကာတစ်ဦးက နံနက်စောစော အရုဏ်ဆွမ်းလာပို့ပါတယ်။

           ဦးစန္ဒာသီရိက ချမ်းအေးနေတော့ အိပ်ယာထဲက မထသေးဘဲ စောင်လေးခြုံထားရင်းနဲ့ ဆွမ်းဒကာကို အသံခပ်လေးလေးနဲ့ နုတ်ဆက်လိုက်ပုံက “သြော် ငွေရ ငွေရ မင်း အရင်ဘ၀က ငါ့သားကွ”တဲ့။

           ဆွမ်းဒကာလည်း မျက်နှာရွံ့မဲ့ပြီး စိတ်ဆိုးသွားပါတော့တယ်။ ဒါနဲ့ကပ္ပိယကြီး “မင်းက ဘာလို့ နာရမှာလဲ၊ ဒီဘ၀မှ မဟုတ်ဘဲ အရင်ဘ၀လို့ ပြောတဲ့ဥစ္စာ” လို့ ကြားကနေ ဖြေသိမ့်ပေးလိုက်ပါတော့ တယ်။ 

တရားကြာ ယောက်မနဲ့ထိုး အဲဒါမှပိုဆိုး

          
 တစ်ချိန်က တောရွာအလှူတစ်ခုမှာပါ။ တရားဟောမယ့်ပုဂ္ဂိုလ်ထိုင်ဖို့ သီးခြားပလ္လင်တစ်ခု စီမံ မထားတော့ တရားဟောတဲ့ဆရာတော်က အခြားသံဃာများနဲ့တန်းတူထိုင်ပြီး ဟောရပါတယ်။ အဲဒီ အလှူမှာ တရားဟောတဲ့ဆရာတော်ကတော့ အထက်ကဖော်ပြခဲ့တဲ့ မိုက်သမားက လက်လျှော့ ပေးခဲ့ရတဲ့ ဆရာတော်ဦးစန္ဒာသီရိပါပဲ။ ဦးစန္ဒာသီရိက မျက်စိမှိတ်ပြီး တရားဟောနေရာ ဆွမ်းကပ်ချိန် ရောက်လည်း မရပ်သေးပါဘူး။ ဒါနဲ့ဒကာတစ်ဦးက ဒယ်အိုးကြီးတွေမွှေတဲ့  ယောက်မရှည်ကြီးနဲ့ လိုက်ကာနောက်ကနေ ဆရာတော်ရဲ့ဖင်ကို လှမ်းတို့လိုက်ပါတယ်။
           အဲသလို တရားကြာလို့ ယောက်မနဲ့ထိုးပြီး သတိပေးတာကို ရှေ့တိုးဟောခိုင်းတယ်ထင်ပြီး သံဃာစင်ရှေ့နားတိုးတိုးပြီး ဟောလိုက်တာ ပိုဆိုးသွားပါတော့တယ်။ ဒီလိုနဲ့ပဲ အဲဒီနယ်မှာ “တရားကြာ ယောက်မနဲ့ထိုး အဲဒါမှပိုဆိုး”ဆိုတဲ့ဆိုရိုးစကားတစ်ခုခေတ်စားသွားပါတော့တယ်။

စာမရသူ ကျောက်ပွင့်နဲ့ထိုး ကိုယ်ကျိုးနည်းပါဘိ

          

ဦးစန္ဒာသီရိမှာ တပည့်ကိုရင် ၃ ပါးရှိပါတယ်။ ဆရာတော်က သူတို့ကို နေ့စဉ်စာသင်ပေး ပါတယ်။ ရှေးတုန်းက ကျောက်သင်ပုန်းနဲ့ ကံ့ကူဆံနဲ့ရေးပြီး စာလိုက်ရတာပါ။ အဲဒီကံ့ကူဆံကို ကျောက်ပွင့်လိုလည်း ခေါ်ကြပါတယ်။ ဦးစန္ဒာသီရိက စာမရတဲ့သူကို အဲဒီကျောက်ပွင့်နဲ့နဖူးကို နာနာထိုးထိုးပစ်လေ့ရှိပါတယ်။ ဒီလိုနဲ့ တပည့်တွေ တစ်ပါးပြီးတစ်ပါး ထွက်ထွက်ပြေးတော့တာ ဘုန်းကြီးနဲ့ကပ္ပိယပဲ ကျောင်းမှာ ကျန်နေပါတော့တယ်။ စာမရသူ ကျောက်ပွင့်နဲ့ထိုးလို့ တပည့်တွေ ထွက်ပြေးကုန်တော့ ဘုန်းကြီးမှာ ခိုင်းစရာကျောင်းသား၊ ကိုရင်မရှိတော့ဘဲ အခက်အခဲ ဖြစ်သွားပါ တော့တယ်။

          
 မှတ်ချက်//31.1.2012 ချောက်မြို့၊ အမှတ်(၁၄)နယ်မြေ၊ စစ်ကွင်းရပ်၊ သက်တော်ရှည် ဆရာတော်ဘုရားကြီးဦးခန္တီ တည်ထားကိုးကွယ်အပ်သော သိမ်တော်ဦးရွှေစေတီကြီးပေါ်တွင် ကျင်းပ ပြုလုပ်ကြသော ဗုဒ္ဓပူဇနိယပွဲတော်၊ ၁၉ ကြိမ်မြောက်၊ ၂၄ နာရီအသံမစဲ မဟာပဋ္ဌာန်း ရွတ်ဖတ်ပူဇော်ပွဲ၊ သံဃဒါနဆွမ်းလောင်းပွဲနှင့် စာရေးသူအား တရားဟောကြားရန် စီမံပေးသည့်ပွဲတွင် တွေ့ဆုံခဲ့ရသော ရှေးမီဆရာတော်များ၏ ပြန်လည်မိန့်ကြားချက်များကို အမှတ်တရအဖြစ်မှတ်တမ်းတင်လိုက်ပါသည်။
         
         

တောင်ပေါ်မိုးစက် အပြန်ခက်

 

ဦးစန္ဒနှင့် မိတ်ဆွေများဖြစ်သော ဦးဓမ္မိက၊ ဦးဝေပုလ္လ၊ ဦးနန္ဒိယ၊ ဦးဓမ္မပါလ၊ ဦးကုသလ တို့သည် ချင်းပြည်နယ်၊ မင်းတပ်မြို့ဝန်းကျင်မှ ရွာလေးများဆီသို့ သာသနာပြုသွားဖို့ရန် ပြင်ဆင်နေကြသည်။
ဦးစန္ဒတို့သည် သွားရမည့်နယ်မြေဒေသ၏အနေအထား၊ ရာသီဥတု၊ လမ်းပန်းဆက်သွယ်ရေးစသည်များကို စုံစမ်းသည်။ လိုအပ်မည့်ဆေးဝါး၊ ရိက္ခာများ၊ အနွေးထည်၊ ခြုံစောင် စသည်များကို ၀ယ်ယူကြသည်။ ဓာတ်မီး၊ မီးချစ်များပါမကျန် စုံနိုင်သမျှစုံအောင် သေသေချာချာပြင်ဆင်ရသည်။ သာသနာတော်ထွန်းကားပြန့်ပွားရေးအဖွဲ့နှင့် စေတနာရှင်များကလည်း လိုအပ်မည့်ပစ္စည်းများ၊ အသုံးစရိတ်များ လှူဒါန်းပေးလေ၏။

ဦးစန္ဒတို့အဖွဲ့သည် မန္တလေးမှ ပခုက္ကူ၊ ကျောက်ထု၊ မင်းတပ်အထိ အဆင့်ဆင့် ခရီး ထွက်ခဲ့ကြရသည်။ ပေါက်မြို့အထွက်တွင် ကားဘီးပေါက်လေ၏။ နုတ်ခွန်းဆက်ဆိုင်းဘုတ်မှ “ပေါက်ပေါက်မြောက်မြေက် ရှိပါစေ” ဟူသောစာတန်းကြောင့် ဟာသဖြစ်ကြသေး၏။ တဒင်္ဂ ဒုက္ခများ ပျောက်သွားကြသည်။ အရိပ်အကာမရှိသော လွင်တီးခေါင်လမ်းဘေးတစ်နေရာတွင် အညာမြေ၏ နေပူကြဲကြဲဒဏ်ကို လှလှပပခံစားကြရသည်။

ဒီဇင်ဘာခရစ္စမတ်ပွဲတော်ကြောင့် ကျောက်ထုမှ မင်းတပ်တက်မည့်ကားမရှိ၍ လမ်းခရီးတွင် အခက်အခဲတွေ့ကြရပြန်သည်။ သို့သော် ကျောက်ထုဝန်းကျင်မှ ယောရွာလေးများဆီသို့ မမျှော်လင့်ဘဲ ရောက်ဘူးသွားသည်။ ယောသူ၊ ယောသားတို့၏စကားပြောဝဲသံများ၊ အသုံးအနှုံး များက ဦးစန္ဒတို့အား ဗဟုသုတများစွာ ဖြစ်စေသည်။ သူတို့သည်“အင်း”ဟု ထွက်သော စကားလုံးများကို “အန်း” ဟု ပြောဆိုတတ်ကြသည်။ ဥပမာအားဖြင့် ထမင်းဆိုလျင် ထမန်းဟု အသံထွက်လေ့ရှိသည်။  ဦးစန္ဒတို့ပြောသော စကားများကို မပီဘူးဟု ပြောခံရ၍ ငိုအားထက် ရယ်အားသန်ကြရပြန်၏။   သူတို့၏ရိုးသားမှုများ၊ ဧည့်ဝတ်ကျေပွန်ဖော်ရွေမှုများ၊ ဗုဒ္ဓဘာသာ အပေါ်ယုံကြည်ကိုိင်းရှိုင်းမှုများကိုိ တွေ့ရတော့ ရင်ထဲပီတိ ဖြစ်ရပြန်၏။

ချင်းပြည်နယ်၊ မင်းတပ်မြို့၊ ပင်လယ်ပြင်အထက်ပေ(၄၈၆၀)၊

တောင်ပေါ်မြို့လေးသို့ ရောက်ကြပြီ။ မိမိတို့ရောက်ကြောင်းကို သက်ဆိုင်ရာဌာနများဆီ သတင်းပို့ပြီးနောက် ကိုယ်စီကိုယ်စီသာသနာပြုရမည့်ရွာလေးများဆီ ခရီးနှင်ရင်း တစ်ပါးနှင့် တစ်ပါး လမ်းခွဲကြရသည်။ ဦးနန္ဒိယနှင့်ဦးဝေပုလ္လက မင်းတပ်မြို့ပေါ်မှ လှမ်း၍မြင်ရသော ”လုပ်ခေး၊ ၀ကောက်”စသော ရွာကလေးများဆီ ထွက်သွားကြပြီ။ ဦးဓမ္မိကက မင်းတပ်မြို့၏ အရှေ့ဘက်ခြမ်းမှ လှီးမဆန်ရွာသို့ တစ်ပါးတည်း ကြွသွားလေပြီ။  ဦးဓမ္မပါလ၊ ဦးကုသလနှင့် ဦးစန္ဒတို့သုံးပါးက မင်းတပ်မြို့၏အနောက်မြောက်ဘက်တွင်ရှိသော မသူးရွာ၊ ၀မ္မသူးရွာ၊ လိုင်းပန်ရွာလေးများဆီသို့ ကြွကြရသည်။ တစ်ရွာနှင့်တစ်ရွာ မိုင်(၄၀)၊ (၅၀) (၈၀) စသဖြင့် ဝေးကွာလွန်းသောကြောင့် တစ်ပါးနှင့်တစ်ပါးတော်တော်နှင့် ပြန်မတွေ့ကြတောပေ။ ညိုမ ယောင်ပြာလဲ့လဲ့ တောင်တန်းကြီးများကလည်း မိုးထိလုနီးပါး ကာဆီးထားသကဲ့သို့ ဖြစ်နေပြန်၏။
ဦးစန္ဒသွားရမည့်ရွာကား လိုင်းပန်ရွာ။ မင်းတပ်နှင့် မိုင်(၄၀)ဝေးကွာ၏။ ထိုခရီးကို ခြေကျင်နှင်ရသည်။ ရွာခံလူကြီးတစ်ယောက်၊လူငယ်နှစ်ယောက်နှင့်မိန်းကလေးလေးယောက် လာကြိုကြသည်။ ဦးစန္ဒ၏စောင်၊သင်္ကန်း၊ ဆေးဝါးနှင့်ဆန်၊ဆီ၊ဆား၊ ငပိ၊ ငခြောက်ထုပ်များကို ထမ်းပေးကြသည်။ ဦးစန္ဒကို တောင်တက်အတွေ့အကြုံမရှိသောကြောင့် ဘာပစ္စည်းမှ မသယ် စေချင်ကြ။ ဦ်းစန္ဒကကျောပိုးအိပ်ထဲမှ အရေးပါသော ကင်မရာ၊ ရေဒီယို၊ဒိုင်ယာရီ ပစ္စည်းများ ကိုစိတ်မချ၍ ကိုယ့်ဘာသာကိုယ်ပဲ လွယ်ထားလိုက်သည်။ လမ်းခရီးတွင် ယောင်္ကျားလေးများ နှင့်မိန်းကလေးများသည် အတူတူအိပ်ကြလေသည်။ ဤသို့ချစ်ခင်ရင်နှီးစွာ၊ နွေးထွေးစွာ ဖက်လဲတတင်းဆက်ဆံခြင်းသည် ချင်းလူငယ်တို့၏ လွပ်လပ်မှုအရှိဆုံး ရိုးရာဓလေ့တစ်ခုဖြစ် ကြောင်း သိလာရသည်။

အချို့နေရာတွင် မြင့်မားလှသောကျောက်ကမ်းပါးရံကြီးများပေါ်မှ ခက်ခဲစွာသွားရ သည်။ ဘေးမှနွယ်ပင်များကို အားပြုထားရသည်။ ရံခါ ယိုင်တိုင်တိုင်ဝါးတံတားလေးများပေါ်မှ သဲထိပ်ရင်ဖို လျှောက်ရပြန်သည်။ လမ်းခရီးတွင် မကြာခဏချော်လဲကျသည်။ တစ်နေရာတွင် ရေအိုင်ထဲလဲကျရာ ကျောပိုးအိပ်ထဲမှရေဒီယိုက ရေစို၍ ပျက်ဆီးသွားလေ၏။ အချို့ပစ္စည်း များကို မသယ်နိုင်တော့ပေ။ ထိုအခါ လမ်းဘေးကြုံရာတွင် ဒီအတိုင်းထားခဲ့ကြသည်။ သူတို့က “မပျောက်ဘူး၊ နောက်မှ ပြန်သယ်ခိုင်းမယ်” ဟု ပြောသဖြင့် အံ့သြရပြန်၏။ သစ္စာရှိသော၊ ချစ်စရာကောင်းသော ဤရိုးရာကျင့်ဝတ်လေး မပျက်စီးပါစေနှင့်ဟု ဆုတောင်းနေမိသည်။

တတောဝင် တတောင်တက်၊ ချောင်းအဆက်ဆက်ကိုလည်း ဖြတ်သန်းရသည်။    ဘောင်၊ ဘုရားကုန်း၊ မရှိန်းလှော်၊ ၀မ္မသူး၊ ၊ခေါက်ထား၊ တောင်ကုန်း၊ ခွီးရိန်၊ ထာလောင်း၊ မသုံနူး၊ စပ်ကောက်၊ ခွဲလုံသာ၊ ဆေ့ခမ်းစသောရွာများကို ဖြတ်ကျော်ရသည်။ အချို့ရွာ လေးများက တစ်ရွာလုံးပေါင်းမှ အိမ်ခြေ (၃) အိမ်ပဲရှိ၏။ အချို့ရွာက (၅) အိမ်။ သုံးရက်နှင့် နှစ်ည ခရီးပြင်းနှင်လိုက်ရ၏။ 

ရောက်ပါပြီ။ မြန်မာပြည်၏ အနောက်မြောက်ဘက်မှ ဝေးလံခေါင်ပါးသော ပင်လယ် ပြင်အထက် အမြင့်ပေ(၅၀၀၀)ကျော်မှ အညတရရွာလေး။  လိုင်းပန်ရွာ။  တစ်ရွာလုံးမှ အိမ်ခြေ (၂၀) ၀န်းကျင်မျှသာ။ အိမ်လေးများက တောင်ယာ တဲသာသာ။ အားလုံး ဓနိမိုး၊ ၀ါးကပ်ကာ၊ ပျဉ်ခင်းထားကြသည်။ ဘုန်းကြီးကျောင်းလေးက ရွာနှင့်အလှမ်းဝေးသော တောင်ကုန်းမြင့် မြင့်လေးတစ်ခုပေါ်တွင် ထီးတည်းလေး ဖြစ်နေ၏။ ကျောင်းဘေးတွင် သင်္ချိုင်းကုန်းက ကပ် လျှက်။ ကျောင်းနောက်ဘေးတွင် ချောက်ကြီးရှိ၏။ ဘေးပတ်လည်တွင် သစ်တောကြီးက ၀န်းရံထား၏။ ရွာသူ၊ ရွာသားများက ဝေးလံလှသော တောင်ယာတွေမှာသာ အနေများသည်။ ရွာ ထဲတွင် ကျောင်းသား၊ ကျောင်းသူလေးများသာ ကျန်နေသည်။ ရွာတွင် စာသင်ကျောင်းမရှိပေ။ သူတို့အဖို့ ဝေးလံလှသော တောင်ကုန်းထိပ်ပေါ်မှ ရွာတစ်ရွာသို့သွား၍ ကျောင်းသွားတက် ကြရသည်။ ချောင်းများ၊ တောတောင်များကို တစ်နေကုန် ဖြတ်သန်းကြရသည်။ သူတို့ဘ၀လေးတွေကို ကြည့်၍ ရင်ထဲ မချိပြီ။

ဦးစန္ဒသည် ပျင်းရိငြီးငွေ့စွာ၊ ထိပ်လန့်စွာ၊ အထီးကျန်စွာဖြင့် ရက်ပေါင်းများစွာကို   တကိုယ်တည်း ဖြတ်သန်းနေရသည်။ မကြာခင်တွင် ခပ်လှမ်းလှမ်းမှ ရွာလေးတွင် ခေါဟာစိမ်း အမည်ရှိ ခရစ်ယာန်တရားဟောဆရာမလေး ရောက်လာသည်။ သူမက လူငယ်များကို သီချင်းဆိုပေးခြင်း၊ ဂစ်တာတီးပေးခြင်း၊ ခေါင်ရည် အတူသောက်ခြင်းဖြင့် စည်းရုံးလေသည်။ သူမထံတွင် တဖြည်းဖြည်းနှင့် လူစည်ကားလာသည်။ ပျော်ရွှင်မှုပေါ်အခြေခံသော ဆူညံမှုများ၊ အော်ဟစ်သံများက တောင်တန်းများစွာကို ဖုံးလွှမ်းနေတော့၏။ ဦးစန္ဒဆီမှာတော့ ခြောက်ကပ်နေ၏။ အထီးကျန် အဖော်မဲ့နေ၏။ သူငယ်ချင်းတစ်ပါး၏ကျောင်းကို သောင်းကျန်းသူများ လာဝိုင်းကြောင်း သတင်းရသည်။ ဦးစန္ဒအဖို့ ရင်တထိတ်ထိတ်နှင့်။  

အချိန်ကာလငှက်ငယ်လေးများက တဖြည်းဖြည်းနှင့် ခရီးနှင်နေကြလေပြီ။ နေ့ရက် နာရီတို့ကလည်း အပြိုင်အဆိုင် ဒိုင်ယာရီထဲ ခုန်ဆင်းနေကြသည်။ နွေ၊ မိုး၊ ဆောင်း ရာသီ စက်ဝန်းတို့က ဦးစန္ဒ၏ ပျင်းရိမှု၊ အထီးကျန်မှုများကို လွမ်းစရာ၊ ရင်မောစရာ၊ တွေးတောစရာ ကားလိပ်ကာများဖြင့် တစ်ခန်းပြီးတစ်ခန်း ဆွဲခေါ်သွားသည်။

ရှည်လျားခြောက်သွေ့လှသော နွေဥတုက လွမ်းစရာ၊ ရင်မောစရာ ဇာတ်ကွပ်များဖြင့် ဖျော်ဖြေပြသနေ၏။ မီးခိုးများတလူလူနှင့် တောင်ကတုန်းရှုခင်းများက အလွမ်းဇာတ်ကို အဓိက ပံ့ပိုးပေးနေကြသည်။ နွေအလှရှုခင်းများက ဈာန်ရထေရ်ရှင်များပင် ဈာန်လျောနိုင်လောက်၏။  မြူခိုးတွေကလည်း သီခေါင်မြင့်မား မိုးအလား တောင်ထွတ်များကို ပိတ်ဖုံးထားလိုက်၊ လှစ်ဟပေးလိုက်နှင့် ကြည်စယ်နေလေ၏။ တောင်ယာလုပ်ရန် သစ်တောများစွာကို ခုတ်လှဲပစ်ကြသည်။ ထို့နောက် မြေသြဇာရစေရန် မီးရှို့ကြသည်။  အဖိုးတန်သစ်တောကြီးများ ပြုန်းတီး နေမှုကို ရင်နာနာနှင့်ပဲ ကြည့်နေရတော့၏။ တောမီးများကလည်း ကြောက်စရာ ကောင်းလှသည်။ ပင်မြင့်ပေါ်မှ နီနီရဲရဲ တောင်ဇလပ်ပန်းတို့က သူတို့ဘ၀၊ သူတို့အလှများ ပျောက်ဆုံးသွားတော့မည်းလားဟု ထိတ်လန့်နေဟန်ရှိ၏။ လှသွေးဖုံသည့် ရောင်စုံသစ်ခွလေးများခမျာ တောမီးများကြားတွင် မလူးလွန့်၊ မရှိုက်သာတော့။  အံကြိတ်ငိုမှိတ်ရင်း သူတို့အလှလေးတွေကိုိ ရင်နာနာနှင့် စွန့်ခွာနေကြရပုံများက မရှုရက်စရာ။ သစ်တောပြန်းတီးမှုကြောင့် သားကောင်များလည်း မျိုးတုန်းလာကြသည်။ 

စားဝတ်နေရေး ကျပ်တည်းမှု၊ အတ္တဆန်မှုများက သဘာဝအလှများကို ရက်ရက် စက်စက် ဖျက်ဆီးနေကြသည်။ သယံဇာတများကို ပြုံးတီးစေ၏။ ထိုအရာများကို အစားထိုး နိုင်ရန် ဦးစန္ဒက ကျောင်းဝန်းကျင်တွင် ငှက်ပျော၊ ပိန္နဲ၊ သရက်၊ ဒညှင်း၊ သံပရာစသော အပင်များကို စိုက်ပျိုးထားလိုက်သည်။ ရွာသူ၊ ရွာသားများကိုလည်း တတ်နိုင်သမျှ ရှင်းပြလိုက်၊ အစားထိုးစိုက်ခိုင်းလိုက်နှင့် သဘာဝအလှများကို တတ်နိုင်သမျှ ကာကွယ်လိုက်သည်။ ထိုအခါ ထီးတည်းဖြစ်နေသော ပေငါးထောင်ကျော်ပေါ်မှ ဦးစန္ဒ၏ကျောင်းလေးသည် နေချင် စဖွယ်လေးဖြစ်လာသည်။

ဧပြီရောက်တော့ မိုး စတင်ရွာလေပြီ။ တစ်ဝါတွင်းလုံး မိုးမပြတ်တော့။ အငြိုးကြီးသော မိုးကြီးထဲတွင် ဦးစန္ဒ၏ ကျောင်းလေးနှင့် လူသူမရှိသော တဲသာသာ ဓနိမိုး၊ ၀ါးကပ်ကာ အိမ် စုတ်ခြာခြာလေးများသာ အထီးကျန်စွာ တည်ရှိနေ၏။ ဦးစန္ဒလည်း ငတ်တစ်လှည့်၊ ပြတ်တစ် လှည့်နှင့်။ လျှပ်စီးများက တ၀င်းဝင်း၊ မိုးချုန်းသံ၊ မိုးကြိုးပစ်သံများက နားကွဲမတတ်။ တစ်ရွာ လုံး ဝေးလံလှသော တောင်ယာများဆီ ရွေ့ပြောင်းသွားကြလေပြီ။ ရွာထဲတွင် ကြက်၊ ငှက်၊ ခွေးများပင် မကျန်တော့ပေ။

မိုးထဲလေထဲတွင် သွားလာလုပ်ကိုင်ကြရသောကြောင့် ရွာသူ၊ ရွာသားများ၊ ကလေး များသည် အအေးမိ၊ နှာစေး၊ ဖျားနာ၊ ၀မ်းပျက်၊ ၀မ်းလျော ဖြစ်ကြသည်။ ကလေးများ၏ခန္ဓာ ကိုယ်တွင် ၀ဲ၊ ဒက်၊ ဂျွတ်များဖြင့် ညစ်ပတ်စုတ်ပေနေသည်။ ဦးစန္ဒသည် ပါလာသောဆေးဝါးများဖြင့် ကုသပေးလိုက်သည်။ ကျန်းမာရေးအခြေခံဗဟုသုတများ၊ တစ်ကိုယ်ရေးသန့်ရှင်းမှုများ ကိုလည်း ရှင်းပြသည်။ ဘာသာစကားအခက်အခဲကြောင့် အဆင်မပြေမှုများနှင့်လည်း တွေ့ကြုံရသည်။ သို့နှင့် ညစ်ပတ်စုတ်ပေနေသောကလေးများကို ကြည်လင်သောစမ်းချောင်းလေးထဲတွင် ကိုယ်တိုင်ရေးချိုးပေးခြင်း၊ ဆပ်ပြာမှုန့်များဖြင့် သူတို့အ၀တ်များကို ကိုယ်တိုင်လည်းလျော်၊ သူတို့ကိုလည်း လျော်ဖွတ်စေခြင်းဖြင့် လက်တွေ့သင်ပြပေးသည်။ အမွေးနံသာများ၊ ဆပ်ပြာများ၊ အ၀တ်အစားများလည်း ဝေပေးလိုက်သည်။

နိုင်ငံကျော်ဓမ္မကထိက၊ ၀ါခင်းကုန်းဆရာတော် တည်ထောင်ထားသော မန္တလေးမြို့၊ ဗုဒ္ဓဘာသာပြန့်ပွားရေး အသင်းကလည်း သာသနာပြုရဟန်းတော်များအတွက် လိုအပ်မည့် ပစ္စည်းများကို  လှူဒါန်းပေးသည်။ ဗွီဒီယို၊ မီးစက်များဝယ်ပြီး  တစ်ပတ်တစ်ခါ ဗွီဒီိယိုပြပေး  လိုက်သည်။  ဗွီဒီယိုပြပေးခြင်းကြောင့်  မြန်မာစကားလည်း ပို၍ကျွမ်းကျင်လာကြသည်။ ခေတ်မီတိုးတက်နေသော မြို့ပြယဉ်ကျေးမှုများနှင့် နှိမ့်ကျနောက်ကျန်နေသော သူတို့ဘ၀များကို နှိုင်းယှဉ်လာကြသည်။ တိုးတက်လိုစိတ်များ ဖြစ်ပေါ်နေကြသည်။

အချိန်ကာလတောင်ကုန်းပေါ်မှ နေ့၊ ရက်၊ လကျောက်စရစ်ခဲများက တစတစ ပြိုကျ လာ၏။ တောင်ပေါ်ဆောင်းက မညှာမတာထောင်းလေ၏။ မေးချင်းရိုက်ကာ ရိုးတွင်းခြင်ဆီ များပင် ခမ်းသွားပြီလားဟု အောက်မေ့ရ၏။ နေမင်းကြီးကား ဘယ်ပျောက်နေမှန်းမသိရ။ “တောင်ငွေ့ဝေေ၀၊ အထွေထွေနှင့်…….နေစကြာလည်း၊ ရောင်ဝါမထွန်း၊ ချမ်းရှာလွန်း၍” ဟူသော မဲဇာတောင်ခြေရတုမှ စာတစ်ပိုဒ်က ခေါင်းထဲပေါ်လာလေ၏။ နံနက် (၉) နာရီကျော်မှ နေရောင်ခြည်ကို စတင်မြင်ရသည်။ ညနေ (၄) နာရီရောက်လျင် နေလုံးကြီးက တောင်စွယ် တောင်တန်းများကြား လျင်မြန်စွာ တိမ်းလျှိုးသွားလေ၏။ နေကွယ်သော တောင်စွယ်မှုံပျပျ များက ဘ၀အဓိပ္ပါယ်ကို ငြိုးငယ်စွာ ပြနေသယောင်ပင်။

မိုးလေကင်းလွတ်သော်လည်း အချမ်းဒဏ်က ပြင်းထန်လှ၏။ ဦးစန္ဒက ကျောင်းရှေ့ မြေကွက်လပ်ကို တူးဖော်ရှင်းလင်းမြေညှိစေသည်။ ဘောလုံး၊ ခြင်းလုံးကစားနည်းများဖြင့် ကိုယ်ကျန်းမာရေးကို ဖန်တီးပေးလိုက်သည်။ လက်တောက်ခုံလုပ်ပေးခြင်း၊ ကျားကွက် ကစားနည်းများပြပေးခြင်း၊ စာဖတ်စေခြင်း၊ အရုပ်ကလေးများကို ဆေးခြည်စေခြင်းဖြင့် သူတို့၏ ဉာဏ်ရည်များကို ဖွံ့ဖြိုးတိုးတက်စေရန်လည်း ဖန်တီးသည်။ 

ငှက်ပျောဖူးသုပ်စားနည်း၊ ပိန္နဲသီးချက်နည်း စသည်တို့ကိုလည်း သင်ကြားပြသပေး လိုက်သည်။ ကျောင်းနံရံများတွင်လည်း ဗဟုသုတရစေသောစာများ၊ ပညာပေးကြော်ငြာများ ကပ်ပေးထားလိုက်သည်။ တပည့်လေးများ၏ပုံများကို ရုပ်ပြောင်ကာတွန်းများဆွဲ၍ နံရံများတွင် ကပ်ထားလိုက်သည်။ သို့နှင့် တပည့်လေးများက ဦးစန္ဒကို ပို၍ပို၍  ခင်မင်ရင်းနှီးလာကြသည်။ ပြောဆိုသမျှ လက်ခံလာသည်။ မိဘများကလည်း လွန်စွာပီတိဖြစ်နေကြသည်။ သားကောင် များကို သတ်ဖြတ်၍ ရိုးရာနတ်ပူဇော်မှုများကြားတွင် ဗုဒ္ဓဆင်းတုများက တင့်တယ်စွာ နေရာရ လာသည်။ ကြမ်းတမ်းရက်စက်သော လက်စားခြေသတ်ဖြတ်မှုများကြားတွင် ချစ်ကြည်ရင်းနှီးမှု မေတ္တာစမ်းရေများက အေးမြကြည်လင်စွာ စီးဆင်းလာ ကြပြီ။ ဗုဒ္ဓဘာသာခံယူပွဲ၊ ထီးတင်ပွဲ၊ သင်္ကြန်ပွဲ၊ သက်ကြီး ရွယ်အိုများကို ပူဇော်ပွဲ၊ ခေါင်းလျှော် ရေးချိုးပေးသည့်ပွဲ၊ ရှင်ပြုရဟန်းခံပွဲ များလည်း ကျင်းပနိုင်လာသည်။

   အချိန်ကာလငှက်ငယ်လေးက ဆောင်း၊ နွေ၊ မိုးရာသီအမျိုးမျိုးကို သယ်ဆောင်လာပြီး တစ်နှစ်တာ တောင်ကုန်းလေးပေါ်ပြန်သွားလေပြီ။  ဗဟိုဌာနချုပ်ဆရာတော်၏ အကူအညီ၊ ရမ်ပန်းရွာမှ ကျောင်းအုပ်ကြီး၏ နားလည်မှုဖြင့် ဦးစန္ဒသည် ကျောင်းသား၊ ကျောင်းသူများကို သူ့ကျောင်းလေးမှာပဲ စာသင်ပေးခွင့်ရလာသည်။ သူတို့ မိုးလေထဲဖြတ်သန်းပြီး အဝေးကြီး သွားစရာမလိုတော့။ မိဘများကလည်း လွန်စွာ သဘောကျ၊ ကလေးများကလည်း ပြုံးပျော်ရွှင်၊ မိမိရင်မှာလည်း ချမ်းမြေ့၊ အို ပျော်မွေ့ဖွယ် ကမ္ဘာသစ်လေးပါလား။ ယူအန်ဒီပီ (UNDP) အဖွဲ့က ကူညီသောကြောင့် မူလတန်းကျောင်းလေးတစ်ကျောင်း ဖြစ်ပေါ်လာသည်။

ပညာရေးကောလိပ်ကျောင်းဆင်း ဆရာမလေးများလည်း ရောက်ရှိလာကြသည်။ သူ့တို့အဖို့လည်း တစ်ရွာတွင် တစ်ယောက်တည်းနေကြရသည်။ အရွယ်နုနုမိန်းမပျိုလေးများ လည်းဖြစ်ပြန်၊ ရာသီဥတုကလည်း ကြမ်းတမ်းပြန်၊ နေရသည်ကလည်း တစ်ယောက်တည်းမို့ သူတို့အဖို့ နေရထိုင်ရသည်မှာ ရင်လေးစရာ။ ကိုယ်ချင်းစာမိသည်။ တတ်နိုင်သမျှ ကူညီပေး သည်။ ဖေးမစောင့်ရှောက်လိုက်သည်။

ဝါကျွတ်သောအခါ ဗဟိုဆရာတော်နှင့် နယ်လှည့်စည်းရုံးရေး သာသနာပြုခရီးစဉ်များ ကြွရသည်။ မင်းတပ်မြို့ဝန်းကျင်မှ ဝေးလံခေါင်းပါးသောရွာလေးများဆီသို့ ကားတစ်တန်၊ ဆိုင် ကယ်တမျိုး၊ ခြေလျင်တစ်ဖုံခရီးစုံနှင်ရသည်။ တောင်တက်တောင်ဆင်းတွေချည်းမို့ လွန်စွာ ဆင်းရဲပင်းပန်းလေ၏။ ဗုဒ္ဓရုပ်ပွားတော်များ၊ အ၀တ်အစား၊ ဆေးဝါးစသည်များဝေပေးရင်း စည်းရုံးရသည်။ ချင်းလူမျိုးများ၏ အနေအထိုင်၊ ဓလေ့စရိုက်၊ ရိုးရာများကိုလည်း သေချာသိရှိလာသည်။

မင်းတပ်မြို့နယ်တွင် သာသနာပြုဌာနကျောင်းပေါင်း(၅၅)ကျောင်းရှိပြီး ရွာပေါင်း တစ်ရာကျော်ခန့်ရှိ၏။ ချင်းလူမျိုးပေါင်း(၅၃)မျိုးခန့်ရှိလေ၏။ အဓိကမျိုးနွယ်ကြီးများမှာ ဒိုင်၊ မွန်၊ မကန်းဟူ၍ သုံးမျိုးရှိသည်။ မကန်းချင်းများက အနက်ရောင်ဝတ်စုံများကို ၀တ်လေ့ရှိ၏။ ဒိုင်များက အနီပေါ်တွင် အနက်ရောင်အဆင်းကြားများဖော်ထားသော ၀တ်စုံများကို ၀တ်လေ့ရှိ၏။ မွန်ချင်းများက အစိမ်းနှင့် အဖြူရောသော အဆင်းလှလှလေးများကို ၀တ်တတ်ကြ၏။ ရံခါတွင် ရွှေချည်ထိုးလေးများဖြင့် လွန်စွာလှပကြလေ၏။

ရွာပေါင်းများစွာသို့ ဖြတ်သန်းသွားလာရသောကြောင့် မြေပြန့်မှ ဆရာမလေးများ၏ တောင်ပေါ်တွင် ဆင်းရဲချို့စွာနေရပုံများကို ကိုယ်တိုင်တွေ့ကြုံလာရသည်။ သနားကရုဏာလည်း ဖြစ်မိသည်။ အချို့ဆရာမလေးများက ရိုးရာခေါင်ပွဲများ၊ မိမိတို့နှင့်မတူသော ဓလေ့ထုံးစံများနှင့် တွေ့ကြုံသောအခါ မီးစင်ကြည့်၍ ကတတ်ကြ၏။ အခက်အခဲအမျိုးမျိုးကြားမှပင် ဆင်းရဲချို့တဲ့နိမ့်ကျလှသော တောင်ပေါ်သားများကိုထူးချွန်လာအောင် အနစ်နာခံ၍ ပေးဆပ်နေသော သူတို့၏ကြိုးစားမှုများကိုမြင်ရတော့ ဦးစန္ဒပီတိဖြစ်မိသည်။ အချို့ကား တဒင်္ဂပျော်ရွင်မှု၊ လွပ်လပ်မှုလေးများအပေါ်တွင် မျောပါသွားကြလေ၏။ အချို့တောင်ပေါ်မှာပဲ အိမ်ထောင် ကျသွားကြသည်။ သူတို့ဘ၀လေးများကို တောင်ပေါ်မှာပဲ ဆင်းရဲချို့တဲ့စွာ မြုတ်နှံကြရပုံများကို မြင်ရပြန်တော့ ဦးစန္ဒအဖို့ ရင်ထဲမချိ ခံစားမိ၏။ တစ်ခါက ဆရာမတစ်ယောက် လမ်းခရီးတွင် ခေါင်ရည်မူး၍ လဲနေသည်ကိုတွေ့ရာ ဦးစန္ဒ အတော်စိတ်ထိခိုက်သွားသည်။ တောင်ပေါ်ခေါင် ပွဲ(နတ်ပွဲ)များတွင် နွားနောက်သား၊ တောဝက်သားများစား၍ ယောင်္ကျားလေး၊ မိန်းကလေးများ ခေါင်ရည်အတူတူ့ သောက်ကြသည်။ တစ်ညလုံး ဆူညံအော်ဟစ်ကကြသည်။ ဖက်လဲတတင်း အတူတူ အိပ်ကြသည်။

တောင်ပေါ်သူ၊ တောင်ပေါ်သားတို့၏ အနာဂတ်လှပစေရန် ကမ္ဘာ့စားနပ်ရိက္ခာအဖွဲ့များ၊ ကျန်းမာရေးအဖွဲ့များ၊ ယူအန်ဒီပီ(UNDP)၊ ကဲယား(Care)စသော ထောက်ပံ့ရေးအဖွဲ့များ၊ ဆောက်လုပ်ရေးဝန်ထမ်းများက ကူညီနေကြသည်။ ဖွံ့ဖြိုးတိုးတက်အောင် ဆောင်ရွက်နေကြ သည်။ တောင်ပေါ်သူ၊ တောင်ပေါ်သားများသည် လူရည်လည်လာကြသည်။ အစစအရာရာ သွက်လက်လာကြသည်။

ပြူတင်းပေါက်ဖွင့်လျင် လေကောင်းလေသန့်လည်း ရနိုင်သည်။ ယင်ကောင်များလည်း တစ်ပြိုင်နက် ၀င်လာနိုင်သည်။ ယဉ်ကျေးမှုစီးချင်းထိုးပွဲများဖြစ်လာကြသည်။ ရုပ်ပိုင်းဆိုင်ရာ ဖွံ့ဖြိုးလာလျှင် စိတ်ပိုင်းဆိုင်ရာ ယဉ်ကျေးမှုများ ကျဆင်းသွားတတ်သည်မှာ ဓမ္မတာ။ ရုပ်ပိုင်း ဆိုင်ရာဖွံ့ဖြိုးမှုများနောက်ကွယ်မှ အတ္တဆန်မှုများ၊ မတရားမှုများကို တွေ့ကြုံကြားသိလာ ရသည်။ သူတို့၏ ရိုးသားမှုလေးများ၊ ကြည်နူးဖွယ်ရာလေးများ လျော့ပါးလာမှုကို ဦးစန္ဒသည် ဆို့နှင့်ကြေကွဲစွာနှင့် သုံးသပ်နေမိသည်။ ဦးစန္ဒသည် ပြောင်းလဲမှုဒဏ်ကို မခံနိုင်ခြင်းလော။ အလွမ်းသည်မှု အားကြီးနေခြင်းလော……….သူ့ကိုယ်သူ ဝေခွဲမရပေ။

ဆရာမလေးအား စကားစပ်မိလျင် ထိုအကြောင်းအရာများကို ပြောဆိုဆွေးနွေးမိသည်။ ကိုယ့်ကိုယ်ကို ထိန်းသိမ်းနိုင်ဖို့ရန် တိုက်တွန်းမိသည်။ ဆရာမလေးသည် စိတ်မ၀င်စားခြင်း လော၊ မနှစ်သက်ခြင်းလော မပြောတတ်။ လက်ခံပုံလည်း မတွေ့ရပေ။

ဦးစန္ဒအဖို့လည်း သာသနာပြုတာဝန်ပြီးဆုံးသွားလေပြီ။ ရှေ့ဆက်လျှောက်ရမည့် ခရီး စဉ်ကားရှိသေး၏။ သို့ဖြစ်၍ ဦးစန္ဒပြန်ရတော့မည်။ ရွာသူ၊သားများက စိတ်မကောင်းကြ။ ကျောင်းသား၊ ကျောင်းသူလေးများက ရှိုက်ကြီးတငင် ငိုကြွေးကြ၏။ ၀ါဆိုမိုးကား သံယောဇဉ် မပြတ်သေးပေ။ သဲကြီးမဲကြီးရွာသွန်းနေသည်။ ဦးစန္ဒရင်ထဲတွင် ဗလောင်ဆူပွက်နေ၏။ မိုးချိန်းသံ၊ တော်လဲသံများက တ၀ုန်းဝုန်း၊ တချုံးချုံးနှင့်။ ဖြစ်နိုင်လျင် မိမိဘ၀ကို  သူတို့လေး တွေထံမှာပဲ တစ်သက်လုံး မြုတ်နှံထားချင်ပါ၏။ သို့ရာတွင် မဖြစ်နိုင်သော အခြေအနေများက ဦးစန္ဒ၏ဘ၀တွင် ၀န်းရံထား၏။ ဦးစန္ဒသည် ဆန္ဒနှင့်ဘ၀တို့၏ တစ်ထပ်တည်းမကျမှုဒဏ်ကို ကြိတ်မှိတ်ခံစားနေရသည်။ သူတို့လေးတွေနဲ့အတူ ဆရာမကို မတွေ့ရပေ။ ဆရာမကို နုတ်ဆက်ချင်သည်။ ဆရာမကား ဝေးလံလှသောရွာတစ်ရွာသို့ ရိုးရာခေါင်ပွဲဆင်နွဲပုံများကို တွေ့ကြုံလိုသောကြောင့်  မောင်ထန်းကီးနှင့်လိုက်သွားကြောင်းသိရသည်။ မောင်ထန်းကီးကား နာမည်ပျက်သူတစ်ဦးဖြစ်သည်။ တရားဝင်မယားနှစ်ယောက်လည်းရှိသည်။ ဆရာမအား နုတ်မဆက်သာသောကြောင့် အမှတ်တရကဗျာလေးတစ်ပုဒ်ရေးထုတ်၍ ကျောင်းနံရံမှာပဲ ကပ်ထားလိုက်တော့သည်။

တောင်ပေါ်မိုးစက်၊  အပြန်ခက်၍

နုတ်မဆက်သာ၊  ရင်မှာ နာ၏။

မြူမှုံနှင့် နှင်း၊  ရာသီဝန်းလဲ

ချင်းနှင်းဝင်ရောက်၊  ရင်ကိုဖောက်၏။

မဆုံးနိုင်သော၊  ဤဇာတ်မျောတွင်

အသောမသတ်၊  တစ်ခန်းရပ်ဖြင့်

မပြတ်မသား၊  နုတ်ဆက်သွားသည်

တောင်ပေါ်မိုးက  သက်သေတည်………….။

ဦးစန္ဒကား ပြင်းထန်လှသော မိုးရေစက်များအောက်တွင် ကျောပိုးအိပ်ကို လွယ်ရင်း တရွေ့ရွေ့ ခရီးနှင်နေ၏။ လိုက်ပို့ကြသော ကလေးငယ်များ၏မျက်ရည်များက တောင်ပေါ် မိုးစက်များနှင့်ပြိုင်လျှက်……။ “ဒိုင်ရူ ကဆစ်တမ်း…ပါဘွေ၊ ဒိုင်ရူ ကဆစ်တမ်း…ပါဘွေ…” (ဘုန်းကြီး မပြန်ပါနဲ့၊ ဘုန်းကြီး မပြန်ပါနဲ့)”…။ ငိုယိုအော်ဟစ်သံများက ထစ်ချုံးသံများနှင့် ရောထွေးနေ၏..။ ဝှေ့ရမ်းမြောက်ချီကာဆီးထားသော သူတို့လက်များကြောင့် ဦးစန္ဒ၏ ခြေလှမ်းတို့က နှေးကွေးလေးလံနေဆဲ………။ တောင်ပေါ်မိုးကလည်း အငြိုးကြီးနေဆဲ……….။

စရဏ

(သီရိလင်္ကာနိုင်ငံ၊ ၂၀၁၁ခုနှစ်။ တတိယအကြိမ်ထုတ်၊ လင်္ကာတမန်မဂ္ဂဇင်းတွင် ရေးသားထားခဲ့သော ၀တ္ထု။)

အနှိုင်းမဲ့

နေရဉ္ဖရာမြစ်

နေရဉ္ဖရာမြစ်ထဲမျောရန် လူသေအလောင်းထမ်းလာသူတွေကို မြင်နေရတယ်….။ ရေ၊ လေ သဘာဝပတ်ဝန်းကျင် ညစ်ညမ်းမှာ၊ ရောဂါရမှာထက် ဟိန္ဒူအယူအဆတွေက သူတို့အသွေးအသားထဲအထိ နေရာယူထားတယ်။ တရားပွဲ ကျင်းပနေတဲ့ မဟာဗောဓိဂယာဝန်းကျင်နားက ဖြတ်သွားကြတယ်။ တရားနာနေလို့ ညပ်ပိတ်နေတဲ့ လူအုပ်ကြီးက နေရာဖယ်ပေးဖို့ လုံးဝမဖြစ်နိုင်တဲ့အခြေအနေ။ လုံခြုံရေးရဲတွေက အပြွတ်အသိပ်။ ရဲတွေနဲ့ လူတွေနဲ့… ။ လားမားတွေနဲ့…။ တိဘက်တွေနဲ့… စကားများကြတာ ထပ်တလဲလဲ။

အိန္ဒိယနိုင်ငံသည် ဒီမိုကရေစီနိုင်ငံတစ်ခုဖြစ်သည်။ ဘာတွေ စီနေမှန်းတော့ မသိ။ တောင်းသူ တွေရော….ကောင်းသူတွေရော…..။ လုသူတွေရော….ညုသူတွေရော…။ ဖွေးဖွေးတွေရော..ညစ်ထေး သူတွေရော။ ဆန်းတာတွေရော…လန်းတာတွေရော..ရမ်းတာတွေရော..ကြမ်းတာတွေရော။ ညစ်သူတွေ ရော ချစ်သူတွေရော….ပစ်သူတွေရော(အမှိုက်သရိုက်၊ အညစ်အကြေးတွေ ပစ်ချင်ရာ ပစ်ကြ)။ ပြောသူတွေရော…ဟောသူတွေရော။ ပြသူတွေရော…ချသူတွေရော..။ တတ်သူတွေရော…ဖြတ်သူတွေရော.။ ကြွားသူတွေရော…၀ါးသူတွေရော။ ခွဲသူတွေရော.. ကွဲသူတွေရော…။ လူမြင်ကွင်းလည်း ပေါ်တင် အပေ့ါ အလေးသွားတယ်။ ပိုက်ဆံလည်း ပြောင်လိမ်ပြောင်တောင်းချင်တယ်။ လစ်တာနဲ့ သုတ်ချင်တယ်။ ခုတ်ချင်တယ်။ ဗြုတ်ချင်တယ်။ ယုတ်ချင်တယ်။

ဘာသာပေါင်းစုံ။ လူပေါင်းစုံ။ စကားပေါင်းစုံ။ စရိုက်ပေါင်းစုံ။ တိုက်ပေါင်းစုံ။ ဆိုက်ပေါင်းစုံ။  ဂိုက်ပေါင်းစုံ။ ရှုပ်ထွေးပျားခတ်နေ၏။ ပညာရှင်တွေက ဒိုက်ဗာ့စ် (diverse) ဒီမိုကရောစီတဲ့။ ဒါကြောင့် ဘုရားတိုင်းက ဒီမှာ ပွင့်တာဖြစ်နိုင်တယ်။ အချင်းချင်း ထုတ်ချင်တဲ့ လောဂျစ်တွေ ထုတ်နေမိတယ်။ ဒီလို ရောပြွန်းရှုပ်ထွေးနေမှုတွေကို ဖြေရှင်းဖို့ ဒီ(မဇ္ဈိမ)ဒေသကိုပဲ ရွေးရွေးပြီး ပွင့်ကြတာဖြစ်နိုင်တယ်။ ဒါမှလည်း သဗ္ဗညုတဉာဏ်တော်ရဲ့ စွမ်းပကားတွေ ပိုပြီး ပေါ်လွင်ထင်ရှားလာမှာပေါ့တဲ့…တစ်ပါးက။ အချင်းချင်း စွဲချင်တဲ့ ကောက်ချက်တွေ ဆွဲနေမိတယ်။ နောက်တစ်ပါးက “ဟုတ်တယ်လေ..။ ဒါကြောင့် အနှိုင်းမဲ့ဖြစ်တာပေါ့” လို့ သိမ်းကျုံးပြီး၊ ဒါမှမဟုတ် ခြုံငုံပြီး နိဂုံးချုပ်ချလိုက်ပါတော့တယ်….။

(အိန္ဒိယနိုင်ငံ၊ မဟာဗောဓိဝန်းကျင်တွင် ကမ္ဘာကျော်တိဘက်ဘုန်းတော်ကြီး ဒလိုင်းလားမား၏ ၁၀ ရက်တိုင်တိုင် ဟောကြားသော တရားတော်များကို နားထောင်ရင်း အမှတ်တရ)

ဟာသမထုတ်နိုင်တဲ့ နေ့ရက်များ

      ရွှီး…ရွှီး…ဖြန်း….

          မှန်တံခါးကို သစ်ကိုင်းများက လာရိုက်နေသည်။ သစ်ရွက်စိမ်းများ ကပ်ကျန်နေခဲ့သည်။ အားလုံးတိတ်ဆိတ်နေ၏။

          ၀ှီး…ဒိုင်း…..ဒုန်း…ဒုန်း…ဗျော…..ဗုန်း…

တိုက်ပေါ်က ဘာပြုတ်ကျသွားမှန်းမသိ။

          ၀န်းကျင်တစ်ခုလုံး မှောင်မိုက်နေသည်။ တံခါးကို ဖြည်းဖြည်းချင်း အသာလေး ဆွဲလှပ်ဖို့ပြင်ခိုက် “မလှပ်နဲ့၊ မလှပ်နဲ့” အမှောင်ထဲက အော်သံကြားတော့ လှည့်ကြည့်လိုက်စဉ် မဲမဲကြီး ငုတ်တုတ်ကြီး ထိုင်နေသူတစ်ဦး။

          တစ်ခါတစ်ခါတွင် သုံးထပ်တိုက်ကြီးတစ်ခုလုံး လှုပ်ယိုင်းခါထွက်သွားသည်။ ဘာတွေ ဖြစ်ပြီကုန်လဲ…။

          အလင်းရောင် ပျပျလေး ထွက်လာသည်။ “မိုးပါလာလို့ တော်တာ၊ နို့မဟုတ်ရင် မလွယ်ဘူး” ဦးသောဘိတဓမ္မအသံကြားရသည်။ “မိုးက လေကို ဖြတ်တောက်ပေးတယ်။ ဒါကြောင့် သက်သာတာ” သူက လောဂျစ်ကယ်ရီးစင်းထပ်ထုတ်လိုက်သည်။ ဦးသုနန္ဒ(ဖောင်းပြင်)က အားပါးတရထောက်ခံနေ သည်။ စောစောက ခေါင်မိုးပေါ်က ရေပေပါ(စည်ပိုင်း)ကြီး ပြုတ်ကျသွားတာလို့ သူက ဆိုသည်။

          ဒီဇင်ဘာ(၂၉)နေ့ကတည်းက စတင်တိုက်ခတ်နေတဲ့ သိမ်း(Thane)မုန်းတိုင်း။ ၂၉ ရက်နေ့ (၁၂) နာရီ ကျော်တာနဲ့ ပြင်းထန်းလာလေတော့၏။ အိန္ဒိယနိုင်ငံ၊ တမီလ်နာဒူးပြည်နယ်၊ ချင်နိုင်း (Chennai) မြို့၏ အရှေ့နဲ့ အရှေ့တောင်ဘက်၊ မိုင်(၃၃၀)ခန့်၊ မြန်မာနိုင်ငံ၊ ကိုကိုးကျွန်းရဲ့ အနောက်နဲ့ အနောက် တောင်ဘက်၊ မိုင်(၅၇၅)မိုင်ဝန်းကျင်၊ ပုသိမ်မြို့၊ အနောက်တောင်ဘက်၊ မိုင်(၇၂၀) ခန့် ဘင်္ဂလားပင်လယ်အော်တောင်ပိုင်းပင်လယ်ကို ဗဟိုပြုပြီး ၆ နာရီအတွင်းမှာ အနောက်-အနောက် တောင်ဘက်ကို တစ်နာရီ ၇ မိုင်နှုန်းနဲ့ ရွေ့လျားနေတဲ့ ဆိုင်ကလုန်းမုန်းတုန်း။ NRL data တွေ ထုတ်ပြန်ချက်က ၂၈ ရက်နေ့ကတည်းက စတင်တိုက်ခတ်နေတာတဲ့။ အိန္ဒိယ နေ့စဉ် သတင်းစာ ကလည်း ကြိုတင်သတိပေးပြီး ရာသီဥတုအခြေအနေကို တိတိကျကျ တွက်ချက် ဖော်ပြထားပါတယ်။ လမ်းဘေးတဲသာသာအိမ်လေးများတွင် နေထိုင်တဲ့ ဒေသခံပြည်သူတွေကို ဆေးရုံ၊ စာသင်ကျောင်းတွေမှာ နေရာချပေးထားပါတယ်။

အိန္ဒိယမိုးလေဝသနဲ့ ဇလဗေဒဌာနတို့ ပြောကြားချက်အရ ဘင်္ဂလားပင်လယ်အော်နဲ့ အိန္ဒိယသမုဒ္ဒရာကို အခြေပြုတိုက်ခတ်ခဲ့တဲ့ ဆိုင်ကလုံးမုန်တိုင်းနာမည်များအား အိန္ဒိယ၊ ဘင်္ဂလားဒေ့ရှ်၊ ပါကစ္စတန်၊ သီရိလင်္ကာ၊ မော်လဒိုက်၊ မြန်မာ၊ အိုမန်နဲ့ ထိုင်းနိုင်ငံတွေက အလှည့်ကျ နာမည်ပေးခြင်းဖြစ်ကြောင်း သိရပါတယ်။

၂၀၀၄ ခုနှစ်က စတင်အသက်ဝင်ခဲ့တဲ့ ကမ္ဘာ့မိုးလေဝသ၊ ဇလဗေဒအဖွဲ့နဲ့ ကုလသမဂ္ဂ အာရှ၊ ပစိဖိတ် စီးပွားရေးနဲ့ လူမှုရေး ကော်မရှင်တိှု့ ချမှတ်ထားတဲ့ လုပ်ထုံးလုပ်နည်းတွေအညီ ခုလို နာမည်သတ်မှတ်ခြင်းဖြစ်ပါတယ်။ နိုင်ငံရှစ်နိုင်ငံက အမည် ၆၄ ခု ပြင်ဆင်ထားပြီး အလှည့်ကျ ကြေညာတယ်။ ခု ဘင်္ဂလား ပင်လယ်အော်ဆီ ရွေ့လျားနေတဲ့ ဆိုင်ကလုံးနာမည် သိမ်း (Thane) အား မြန်မာနိုင်ငံက ပေးခဲ့တာပါ။

ပြီးခဲ့တဲ့ နှစ်များက ပေးခဲ့တဲ့ နိုင်ငံနဲ့ ဆိုင်ကလုံး နာမည်များမှာ….

•     လိုင်လာ (ပါကစ္စတန်)၊ နစ်ရှား (ဘင်္ဂလားဒေ့ရှ်) ၂၀၁၀
•     ဖျန်း (မြန်မာ) ၂၀၀၉
•     အိုင်လာ (မော်လဒိုက်) ၂၀၀၉
•     ဘီဂျလီး (အိန္ဒိယ) ၂၀၀၉
•     ရက်ရ်ှမီး (သီရိလင်္ကာ) ၂၀၀၈
•     နာဂစ် (ပါကစ္စတန်) ၂၀၀၈

          အရှင်က သီရိလင်္ကာကနေ ၂၇ ရက်နေ့မှာ အိန္ဒိယနိုင်ငံ၊ ချင်နိုင်းမြို့ကို ရောက်ရှိပါတယ်။ ၂၈ ရက် နေ့နံနက်မှာ မုန်တိုင်းသတင်းကို ဖတ်ထားပါတယ်။ အရှင့်ရဲ့သူငယ်ချင်းမိတ်ဆွေရဟန်းတော် (၈)ပါးက ချီဒမ်ဘရမ်(Chidambaram)မြို့၊ အနာမလိုင်းတက္ကသိုလ်(Annamalai Univarsity)မှာ Ph.D တန်းတက်နေကြပါတယ်။ သူတို့အတွက် စာအုပ်စာတမ်း၊ သင်္ကန်း၊ နို့မှုန့်၊ ခေါင်းရိတ်ဓား၊ လဘက်ခြောက်စတာတွေ လှူဒါန်းဖို့ အဲဒီမြို့ကို သွားမှ ဖြစ်မှာပါ။ ချင်နိုင်းကနေ ဂယာသွားဖို့ ရထားလည်း စီစဉ်ပြီးပြီ။ ဂယာကနေ မြန်မာပြည်ကို ပြန်ဖို့လေယာဉ်လက်မှတ်ကလည်း ကြိုတင်ဖြတ်ထားပြီးပြီ။ အန္တရာယ်ကို ကြောက်ပြီး မသွားရင် သူတို့လိုအပ်ချက်တွေလည်း ဆုံးရှုံးသွားနိုင်ပါတယ်။ ဒီတော့ မိမိပြုလုပ်တဲ့ ကုသိုလ် ကောင်းမှုဓမ္မအစွမ်းကိုပဲ အားကိုးပြီး  ဖြစ်ချင်ရာ ဖြစ်စေတော့ဆိုပြီး မိတ်ဆွေသူငယ်ချင်းရဟန်းတော် ဦးဓမ္မသီရိနဲ့အတူ ရထိမီနာ(Rathimeena)ဘတ်စ်ကားစီးပြီး  ၂၈ ရက်နေ့ နေ့လည် ၁ နာရီ ၅၅  မိနစ်မှာ ချင်နိုင်းမြို့ကနေ စတင်ထွက်ခဲ့ပါတယ်။ ကားခ ၂ ပါးစာ ရူးပီး(၅၀၀)ပေးရပါတယ်။ ကားဂိတ် ကို တက်စီငှားရာ ရူးပီး ၈၀၀ ကျပါတယ်။ လမ်းဘေးကားရပ်တော့ လဘက်ရည် တစ်ပါး တစ်ခွက် သောက်ရာ တစ်ခွက်ကို ၁၃ ရူးပီးကျပါတယ်။ (ချီဒမ်ဘရမ်မြို့ထဲမှာ တစ်ခွက်ကို ၆ ရူးပီးပေးရပါတယ်။) ည ၇ နာရီ ၁၅ မိနစ်မှာ သီရိနိဝဆ(Sri Nivasa) ရုပ်ရှင်ရုံ(Theater)နားမှာ ဆင်းရပါတယ်။ အရှင်ဥေယျဓမ္မ၊ အရှင်သောဘိတဓမ္မနဲ့ ဘုန်းကြီးဦးပဏ္ဍိတို့ လာကြိုကြပါတယ်။

          ၂၉ ရက်နေ့ မနက်ခင်းမှာ သူငယ်ချင်းများက သူတို့တက်ရောက်လေ့လာနေတဲ့ အနာမလိုင်း တက္ကသိုလ်ကြီးထဲကို ခေါ်သွားပါတယ်။ ဒီတက္ကသိုလ်ကြီးမှာ မြန်မာရဟန်းတော်တွေ ယခုနှစ်မှ စတင် တက်ခွင့်ရတာပါ။ အစက ၁၀ ပါးပါ။ လက်ရှိမှာတော့ ၈ ပါးပဲကျန်ပါတယ်။ မြန်မာရဟန်းတော်တွေကို မမြင်ဘူးလို့ သွားလေရာမှာ ၀ိုင်းဝိုင်းအကြည့်ခံရပါတယ်။ ဓာတ်ပုံတွဲရိုက်ချင်တဲ့သူတွေလည်း ပေါပါတယ်။ သတင်းထောက်တွေက သေချာဓာတ်ပုံရိုက်ပြီး သူတို့သတင်းစာမှာ ဖော်ပြထားပါတယ်။ အပြင်သွား ရတာလည်း ခပ်လန့်လန့်ပါပဲ။    အာရှမှာ အကြီးမားဆုံး တက္ကသိုလ်ဖြစ်တယ်လို့  သိရပါတယ်။ ကျောင်းသား၊ ကျောင်းသူပေါင်း သိန်းချီပြီး လေ့လာနေကြတာပါ။ အာဖရိကမှ နီဂရိုးကျောင်းသား၊ ကျောင်းသူတွေ (၄၀၀) လောက်လည်း  ပညာဆည်းပူးနေကြပါတယ်။ ဌာနပေါင်း (၄၉) ခုရှိပါတယ်။ မြန်မာရဟန်းတော်တွေ တက်ရောက်လေ့လာနေတဲ့ ဖီလိုဆိုဖီဌာနကို ၁၉၂၉ မှာ စတင်ဖွင့်လှစ်ခဲ့တာပါ။ ဒီတက္ကသိုလ်ကြီးကို ၁၉၂၅ ခုနှစ်က အိန္ဒိယကဗျာဆရာကြီး ရာဘင်ဒရာနတ်တဂိုး (Rabindranath Tagore)နဲ့ ဒေါက်တာဆာရေပလ္လိရာ ဒကရစ်ရှနန် (Sarvepalli Radhakrishnan) တို့တည်ထောင်ခဲ့တာပါ။

          လေ့လာလို့မဆုံးခင်မှာပဲ မုန်တိုင်းကြောင့် ကျောင်းတွေ ပိတ်နေပါပြီ။ နောက်ကြနေတာမို့ ဓာတ်ပုံလည်း သေချာမှတ်တမ်းမတင်နိုင်တော့ပါဘူး။ မုန်းတိုင်းက အစပြုနေပါပြီ။ ညရောက်တော့ ဖြည်းဖြည်းချင်းနဲ့ တိုက်ခတ်ပြီး ည ၁၂ နာရီကျော်တာနဲ့ ကြမ်းတော့တာပါပဲ။ ၃၀ ရက်နေ့ နံနက် ၇ နာရီလောက်မှာ စာရေးသူတို့နေတဲ့ သုံးထပ်တိုက်၊ အပေါ်ဆုံးထပ်ကို တမီးလ်ဟိန္ဒူကလေးငယ်များ ပြေးတက်လာပြီး စာရေးသူတို့အခြေအနေကို လာကြည့်ပါတယ်။ အရှင်တို့ကိုတွေ့တော့ ၀မ်းသာ နေကြပါတယ်။ တိုက်ပေါ်က ရေတွေကိုလည်း ခပ်ထုတ်ပေးပါတယ်။ စမူဆာများလည်း လာပို့ပေးပါတယ်။ ဘာသာမတူသော်လည်း သူတို့ခေါင်းထဲမှာ အစွဲအလမ်းမပြင်းထန်သေးတော့ ဖြူစင်မှုနဲ့ သန့်ရှင်းတဲ့ ခင်မင်မှုလေးတွေကို တွေ့ရပါတယ်။ စိတ်ထဲ တော်တော်ကြည်နူးမိပါတယ်။

မုန်းတိုင်းလည်း  ပြီးသွားပါပြီ။ အိန္ဒိယနိုင်ငံတောင်ပိုင်း၊ ပွန်ဒီချယ်ရီကမ်းခြေနဲ့ တမီလ်နာဒူးပြည်နယ်ကမ်းခြေမှာ လူ ၃၅ ဦး သေဆုံးခဲ့ကြောင်း၊ လမ်းတွေ ပိတ်ဆို့သွားကြောင်း စနေနေ့ထုတ် Times of India သတင်းစာမှာ ဖော်ပြထားပါတယ်။ လင်္ကာက သူငယ်ချင်းတွေကလည်း မေးလ်ကနေ အဆင်ပြေ-မပြေမေးမြန်းရင်း စိုးရိမ်ပူပန်နေကြပါတယ်။ အရှင်တို့အဖို့ ဘေးရန်ကင်းကွာ ချမ်းသာစွာနဲ့ ခရီးစဉ်ဖြောင့်ဖြူးသာယာခဲ့ပါပြီ။ ခုလို ခရီးစဉ် ဖြောင့်ဖြူးတာဟာ ချင်နိုင်းမှာ နှစ်(၃၀)နီးပါးလောက်နေထိုင်နေတဲ့ မြန်မာပြည်ဖွား၊ ဦးချင်းယားနဲ့ ဒကာမကြီးဒေါ်စိန်ထွေးတို့မိသားစုရဲ့ စီမံပေးမှုကြောင့်ပါ။ သူတို့မိသားစုက စေတနာလွန်စွာ ဖြောင့်စင်းပါတယ်။ သူတို့ဆီရောက်လာတဲ့ မြန်မာရဟန်းတော်မှန်သမျှကို မငြီးမငြူပဲ စိတ်ရှည်လက်ရှည်နဲ့ ကူညီ ပေးလေ့ရှိပါတယ်။ အိန္ဒိယမှာ ပညာသင်နေတဲ့ ရဟန်းတော်များ၊ အိန္ဒိယနဲ့ပတ်သက်ဘူးတဲ့ ဆရာတော်များအဖို့ သူတို့မိသားစုရဲ့ အကူအညီလွတ်သူခပ်ရှားရှားပါပဲ။ ချင်နိုင်းတက္ကသိုလ်တစ်ခုမှာ ဒေါက်တာဘွဲ့အတွက် ပညာသင်နေတဲ့ ဦးသြဘာသနဲ့ ဦးနန္ဒသာရတို့ကလည်း စေတနာအပြည့်အ၀နဲ့ စာရေးသူတို့ရဲ့လိုအပ်ချက်တွေကို စေတနာအပြည့်အ၀နဲ့ ကူညီပေးကြပါတယ်။

သူတို့စေတနာ၊ သူတို့မေတ္တာတွေနဲ့ ကုသိုလ်ကောင်းမှုဓမ္မစွမ်းအင်တွေကြောင့် ဘေးရန်တွေ ကနေ လွတ်မြောက်ခဲ့ပါတယ်။ ဒါပေမယ့် အဲဒီနေ့ရက်တွေမှာ ဟာသမထုတ်နိုင်တာကတော့ သေချာ ပါတယ်။ သြော် ဟာသမထုတ်နိုင်တဲ့ နေ့များပါတကား……။

         

အကိုး      

1.86th Session of Indian Philosophical Congress(IPC) လက်ကမ်းစာရွက်စာတမ်းများ။

2.28.Dec.2011,India Daily News Paper,

3.http://www.mizzimaburmese.com/news/regional/8832--thane--.htm(31.12.2011)

 

အိန္ဒိယနိုင်ငံ၊ တမီလ်နာဒူးပြည်နယ်၊ ချီဒမ်ဘရမ်(Chidambaram)မြို့မှ အာရှရဲ့အကြီးမားဆုံး အနာမလိုင်းတက္ကသိုလ်ကြီး

 ရေသတ္တ၀ါများစွာထားတဲ့ ပြတိုက်ကြီး

 တက္ကသိုလ်က တမီးလ်ကျောင်းသားများနဲ့အတူ

စပ်မိစပ်ရာ ဟာသများ(၅)

 အလွန်းလို့ ချပစ်တာ

စာရေးသူ မန္တလေးမြို့၊ မစိုးရိမ်တိုက်သစ်မှာ စာသင်နေတုန်းကပေါ့။ တစ်ညနေခင်းမှာ စာသင်သားကိုယ်တော်တွေက ဆရာတော် ဦးသီရိန်  (သီရိန္ဒာ ဘိဝံသ)ရဲ့ ကျောင်းနောက်ဖေး ရေချိုးအုတ်ကန်မှာ ခပ်ကြီးကြီး ပလပ်စတစ်ရေဆွဲပုံးတွေနဲ့ တဘွမ်းဘွမ်းရေးချိုးနေရာ ဆရာတော်က ရေကို မချွေတာလို့ ရိုက်မယ်ဆိုပြီး ကျောင်းပေါ်က ဆင်းလာပါတယ်။

          ရေကန်နားလည်းရောက်ရော ဆရာတော်က ရေတဘွမ်းဘွမ်းနဲ့ ချိုးနေသူတွေ ကြားထဲမှာ တစ်ပါးတည်း နို့ဆီဘူးသာသာခွက်လေးနဲ့ ရေချိုးနေတဲ့ ဦးကုသလဆိုတဲ့ ကိုယ်တော်ကို တွေ့သွားပါတယ်။ ဆရာတော်က အဲဒီခွက်သေးသေးနဲ့ ချိုးနေတဲ့ ကိုယ်တော် တစ်ပါးတည်းကိုပဲ ရွေးပြီး ရိုက်သွားပါတယ်။

          ညရောက်တော့ ဘုရားရှိခိုးအပြီး ဆရာတော်ပေးလိုက်တဲ့ သြ၀ါဒက “တပည့်တော် ညနေက ကိုယ်တော်တွေ ရေကို မချွေတာဘူးဆိုပြီး ရိုက်မလို့ သွားတာ၊ ကန်နားရောက်တော့ ဦးကုသလက သူများတွေ ခွက်ကြီးကြီးနဲ့ချိုးနေတဲ့အချိန် သူက ခွက်သေးသေးနဲ့ ချိုးနေတော့ ဒီလောက်တောင် အလှချည်းလားဆိုပြီး သူ့ကိုပဲ အလွန်းလို့ ချပစ်ခဲ့တယ်” လို့ မိန့်လိုက်ရာ စာသင်သားတွေမှာ တဝေါဝေါနဲ့ ပွဲကျသွားပါတော့တယ်။

ကိုယ့်ရှူးကိုယ့်ပတ်

အညာဒေသေ ရွာတစ်ရွာမှာ ကျောင်းသား၊ ကိုရင်တွေနဲ့ စည်ကားနေတဲ့ ဘုန်းတော် ကြီးကျောင်းတစ်ကျောင်းရှိပါတယ်။ ကျောင်းထိုင်ဆရာတော်က် ကဗျာ၊ လင်္ကာစတာတွေကို လွန်စွာဝါသနာကြီးပါတယ်။ ကျောင်းနံရံတွေမှာလည်း ကဗျာအတိုအစလေးများကို ကပ်ထား လေ့ရှိပါတယ်။ ကြာတော့ ကျောင်းသား၊ ကိုရင်တွေလည်း ဆရာတော့်ဓာတ်ကူးသွားကာ သူတို့စိတ်ထဲပေါ်လာတဲ့ ကဗျာ၊ ကာရံအတိုအထွာတွေကို တွေ့တဲ့နေရာ ရေးလိုက်၊ ပါးစပ်က ဆိုလိုက်နဲ့ ဖြစ်ကုန်ပါတော့တယ်။

တစ်နေ့မှာ ကျောင်းဝိုင်းကျယ်ကြီးကို သန့်ရှင်းရေးလုပ်နေခိုက် ကျောင်းသားငယ် တစ်ဦးက “ဒို့ကျောင်းတော်ကြီး သာသာယာယာ” လို့ ပါးစပ်ထဲပေါ်ရာကို ဆိုလိုက်ရာ ဘုန်းတော်ကြီးက ပြူတင်းပေါက်က ကြည့်နေရင်း သဘောကျသွားကာ “ဟဲ့..ကျောင်းသား၊ ဆက်ဆိုစမ်းပါဦး” ဟု လှမ်းအော်လိုက်ပါတယ်။ ကျောင်းသားကလည်း ဆက်မဆိုတတ်လို့ တွန့်ဆုတ်ဆုတ်ဖြစ်နေရာ ဘုန်းတော်ကြီးက ဆက်ဆိုဖို့ ထပ်အော်လိုက်ပြန်ပါတယ်။

 ကျောင်းသားကလည်း ကြောက်ကြောက်နဲ့ “ဘုန်းတော်ကြီးလည်း ပျံတော်မူတော့မှာ” လို့ ဆက်ဆိုချလိုက်ရာ ဘုန်းတော်ကြီးမှာ အရှိုက်ထိသွားကာ မျက်နှာရွံ့မဲ့မဲ့ဖြစ်ပြီး ရိုက်ရခက်၊ ငေါက်ရခက်မို့ ပြူတင်းပေါက်ကို ဒိုင်းကနဲ ဆောင့်ပိတ်ချလိုက်ပါတော့တယ်။

ရယ်စရာ မဟုတ်တဲ့ ဟာသ

 

တစ်ခါက နာမည်ကြီးကျောင်းတိုက်ကြီးတစ်ခုမှာ စာချဆရာတော်ကြီးက စာလိုက်တဲ့ တပည့်စာသင်သားများ ပျင်းမှာစိုးပြီး စာချရင်း ရယ်စရာဟာသများပြောပြပါတယ်။ ဒါပေမယ့် ဆရာတော့်ဟာသတွေက ခြောက်ကပ်ကပ်နဲ့ မရယ်ရပါဘူး။ တပည့်များက ပျင်းပျင်းရိရိနဲ့ ပြူးကြောင်ပြီး ကြည့်နေတော့ ဆရာတော်က “ဟဲ့ ကောင်တွေ၊ ငါက ရယ်စရာ ပြောနေတာ၊ ရယ်ကြလေ” လို့ မိန့်လိုက်ရာ ထိုအခါမှပဲ ရယ်စရာမဟုတ်ဘဲနဲ့ တဟဲဟဲ ရယ်လိုက်ရပါတော့တယ်။

 ဘယ်သူမှ နားမလည်တဲ့ စကား

စာရေးသူ ချင်းတောင်ပေါ် သာသနာပြုနေစဉ်ကပေ့ါ။ တစ်ချိန်မှာ မြေမြန့်ကို ကိစ္စ တစ်ခုနဲ့ ပြန်ဆင်းပါတယ်။ အဲဒီတုန်းက မိုးတွေကရွာ၊ ချောင်းတွေကကြီးပြီး ခရီးတော်တော် ဖင့်နေပါတယ်။ မိုးသဲသဲ ညမှောင်မှောင်ထဲ စိုးတထိတ်ထိတ်နဲ့ ခြေကျင်ခရီးနှင်ရင်း အိမ်ခြေ ၅ အိမ်လောက်ရှိတဲ့ ရွာလေးတစ်ရွာကို ည ၁၂ နာရီဝန်းကျင်လောက်မှာ ရောက်သွားပါတယ်။ အဲဒီရွာလေးထဲ ၀င်ခါစမှာပဲ ခွေးတွေအများကြီးထွက်လာပြီး ကျယ်လောင်စွာမာန်ဖီဟောင်ကြ ရင်း စာရေးသူကို ၀ိုင်းထားကြပါတယ်။ စာရေးသူအဖို့ လေးလံလှတဲ့ ကျောပိုးအိပ်နဲ့ တစ်နေကုန် မိုးတောထဲ လျှောက်ခဲ့ရတဲ့ဒဏ်တွေကြောင့် အတော်ကြီးမောပန်းနွမ်းနယ်နေပါပြီ။ ခုခံဖို့ မလွယ်တော့ပါဘူး။

          ထိုစဉ် လူရွယ်တစ်ယောက် ရောက်လာပြီး ခွေးတွေကို မောင်းထုတ်လိုက်ပါတယ်။ ပြီးတော့ ထိခြင်းငါးပါးနဲ့ ကျကျနန ရှိခိုးရင်း “ခုလို ဝေးလံခေါင်သီတဲ့ တောတောင်ကြီးထဲမှာ အရှင်ဘုရားကို ဖူးတွေ့ရတာ ရှားပါးတဲ့ အခွင့်အရေးတစ်ခုပါပဲ…ဘုရား”တဲ့။ 

          အရှင်လည်း မြန်မာစကားကို ပီပီသသနဲ့ ကျွမ်းကျင်စွာပြောဆိုလိုက်တဲ့ လူငယ့်စကား ကြောင့် အံ့သြ၀မ်းသာဖြစ်မိပါတယ်။ သူက ရိပ်မိဟန်တူတယ်။ ချင်ချင်းပဲ...“တပည့်တော် ဗမာတစ်ယောက်ပါ ဘုရား။ တစ်ချိန်က အရှင်ဘုရားလိုပဲ သာသနာပြုရဟန်းတစ်ပါးပါ။ ဒီမှာ အိမ်ထောင်ကျတာ ၂ နှစ်ရှိပါပြီဘုရား..။ ခုလောလောဆယ် အရှင်ဘုရားကို အရေးကြီးတဲ့ စကားတစ်ခွန်းလောက် ပြောချင်လို့ပါ။ ဒီစကားကို ဒီအရပ်မှာ ဘယ်သူမှ နားလည်မှာ မဟုတ် လို့ နားမထောင်ခြင်လည်း သည်းခံပြီး နားထောင်ပေးပါ ဘုရား..”လို့ ခွင့်တောင်းပြန်ရာ..

          “မောင်ရင် ပြောစရာရှိရင် မြန်မြန်ပြောကွာ၊ ငါလည်း ပန်းလည်းပန်း ချမ်းလည်းချမ်းနေပြီ”လို့ ပြောရင်း ခွင့်ပေးလိုက်ရာ…သူတအားပြောချင်နေတဲ့ အရေးကြီးပြီး ဘယ်သူမှ နားလည်မှာ မဟုတ်တဲ့ စကားကတော့ “အရှင်ဘုရား ခု မန်ချက်နိုင်သွားပြီဘုရား…”တဲ့။

လွဲချက်ကယ် နာ

ချင်းတောင်ပေါ် သာသနာပြုနေစဉ်က ဖြစ်ရပ်လေးပါ။ သာသနာပြုကိုယ်တော် တစ်ပါးက ချင်းလူငယ်တွေကို ရဟန်းသံဃာနဲ့ ဆက်ဆံတဲ့အခါ တစ်ခုခုပြောဆိုမှားသွားရင် “ကန်တော့၊ ကန်တော့” လို့ တောင်းပန်ရန်၊ အလှူဒါနလုပ်တဲ့အခါ..တရားနာတဲ့အခါ “သာဓု၊ သာဓု” လို့ ခေါ်ဆိုရန် သင်ပေးထားလိုက်ပါတယ်။

          တစ်ချိန်မှာ ရေတာပိုင်နဲ့ မီးအားထုတ်ဖို့ သာသနာပြုကိုယ်တော်က ပခုက္ကူဆင်းပြီး ရေပိုက်၊ ဒိုင်နမိုဝယ်ရန်သွားရင်း သူ့ရဲ့တပည့်လူငယ်တစ်ဦးကို ကပ္ပိယအဖြစ် ခေါ်သွားပါတယ်။ ကိုယ်တော်က ကားအတွင်းက စီးခွင့်ရပြီး လူရွယ်က ခေါ်မိုးပေါ်က စီးဖို့နေရာရပါတယ်။ ပခုက္ကူလည်းရောက်ရော လူငယ်က ကားခေါင်မိုးပေါ်ကနေ အောက်ဆင်းခိုက် မမျှော်လင့်ဘဲ သူ့ဆရာကိုယ်တော်ရဲ့ခေါင်းကို ခြေနဲ့ကန်မိသွားပါတယ်။ အဲဒီအချိန် ထိုချင်းလူငယ်က အသံခပ်လေးလေးနဲ့ လွဲမှားပြီးတောင်းပန်လိုက်ပုံက.. “သာ…ဓု၊ သာ….ဓု…သာဓု” တဲ့။

          ဘေးက ခရီးသည်တွေ တခွီးခွီးနဲ့ အူတက်နေသလောက် ထိုကိုယ်တော်အဖို့တော့ စိတ်တိုရခက်၊ ရယ်ရခက်နဲ့ ခြေမကိုင်မိ၊ လက်မကိုင်မိဖြစ်သွားပါလေရော။

စပ်မိစပ်ရာ ဟာသများ(၄)

စူဠသောတာပန်တဲ့ 

  

စာရေးသူတို့ နယ်ဘက်မှာ တရားဓမ္မလွန်စွာလိုက်စားတဲ့ ဒကာကြီးတစ်ယောက်ရှိပါတယ်။ သူက အဘိဓမ္မာနဲ့ ၀ိပဿနာတွေ အထူးလေ့လာလိုက်စားထားတော့ တရားသင်တန်းတွေလည်း  ပြပေးနိုင်ပါတယ်။ ကြာတော့ တရားနဲ့ပဲ မွေ့လျော်မှုများလာပြီး စိတ်လည်း တည်ငြိမ်လာပါတယ်။ အကုသိုလ်စိတ်တွေ အဖြစ်နည်းလာတော့သူကစိတ်ကြီးဝင်လာပါတယ်။

          

 တစ်နေ့ ရွာဦးကျောင်းဆရာတော်ကြီးထံတရားဆွေးနွေးဖို့ ရောက်သွားပါတယ်။ စိတ်ကြီးဝင်နေသူ ဆိုတော့ ဘုန်းကြီးကိုရှိမခိုးဘဲ ပမာမခန့်ထိုင်လိုက်ပါတယ်။ ဘုန်းတော်ကြီးက ကွမ်းစားဖို့ ကွမ်းညှပ်နေရင်း မျက်စိထဲဒေါင့်မကျိုးတာနဲ့ “ဒကာတော်၊ ဘာလို့ ရှိမခိုးတာလဲ” လို့ မေးလိုက်ရာ….

           

ထိုဘကြီးက “တပည့်တော် စူဠသောတာပန်ပါဘုရား၊ ဒါကြောင့်မို့ အရှင်ဘုရားလို ပုထုဇဉ်တစ်ပါးကို ရှိမခိုးနိုင်ဘူး…ဘုရား” လို့ လျှောက်လိုက်ရာ ဘုန်းတော်ကြီးက စိတ်တိုပြီး “ဘာ… စူဠသောတာပန်လဲကွ၊ မင်းထက်မြင့်တဲ့ သောတာပန်အဆင့်ရှိတဲ့ သိကြားမင်းကတောင် ဒီနေ့ဝတ်တဲ့ ပုထုဇဉ်ကိုရင်လေးကို ရှိခိုးသေးတယ်ကွ..” လို့ ငေါက်ပစ်ရင်း ကွမ်းညှပ်နဲ့ ထိပ်ပစ်ချရာ အနှီ စူဠသောတာပန်ကြီးလည်း နဖူးကို နာနာပွတ်ရင်း ထပြေးပါလေရော……။

ငါစွဲပြုတ်ရင် သောတာပန်

 

 

အထက်မြန်မာပြည်၊ ရွှေဘိုနားက ဒကာတစ်ယောက်တဲ့။ တရားတွေ လေ့လာလိုက်စား နေသူပါ။ တရားပြဆရာတော်က “ငါ”ဆိုတဲ့ အစွဲကိုခွာနိုင်ရင် သောတာပန်ဖြစ်ပြီလို့ ရှင်းပြလိုက်ရာ ထိုဒကာတော်မောင်က တရားပွဲပြီးတာနဲ့ ချက်ချင်းအိမ်ပြန်သွားပါတယ်။ ညမှောင်မှောင်ထဲ အိမ်ရှေ့ရောက်တော့ အိမ်တံခါးကို ထုလိုက်ပါတယ်။ သူ့အိမ်ရှင်မ ဘယ်သူလဲ..လို့ မေးလိုက်တယ်။ သူက မဖြေဘူး။ နောက်ထပ်မေးတယ်။ ထိုနည်း၎င်းပါပဲ။ မဖြေပါဘူး။

သုံးခါမြောက်လည်းရောက်ရော အိမ်ရှင်မကတံခါးဖွင့်ပြီး “ရှင်..ဘယ်သူလဲ၊ မေးနေတာ မကြားဘူးလား..”လို့ စိတ်တိုတိုနဲ့အော်ချလိုက်ပါတယ်။  “ငါ…စွဲပြုတ်ရင် သောတာပန်ဖြစ်ပြီ” လို့ သူက နှလုံးသွင်းနေတာဆိုတော့ “ဒို့ပါ ဒို့ပါ”လို့ ဖြေလိုက်တယ်။ ငါစွဲပြုတ်အောင် ငါဆိုတဲ့ အသုံး အနှုံးကို ရှောင်ကြဉ်ပြီး ဖြေလိုက်ခြင်းဖြစ်ပါတယ်။ 

မိန်းမက သူ့ယောင်္ကျားမှန်းလည်းသိရော စိတ်မရှည်တော့ဘဲ “ဘယ်ကဒို့လဲ.. စကားကိုရှင်းအောင် ပြောတာမဟုတ်ဘူး” လို့အော်ဟစ်ပြောဆိုရင်း ပါးဆွဲချလိုက် တော့မှ “ငါပါကွ မိန်းမရ” လို့ ပြန်အော်ရင်း တွေးရုံသက်သက်နဲ့ဖြစ်လာတဲ့ သောတာပန်ကြီးလည်း  “ငါ” ပြန်စွဲကာ ချက်ချင်း ပုထုဇဉ်အဆင့်လျောကြပြီး ကြမ်းပြင်ပေါ်လဲကျသွားပါတော့တယ်။

အနာဂါမ် ဆရာပု

တစ်ခါက မုံရွာဘက်မှာ အမြဲနီးပါး တရားအားထုတ်နေလေ့ရှိတဲ့ ဆရာပုဆိုတဲ့လူတစ်ဦး ရှိတယ်ဆိုပဲ။ သူက ဒေါသမဖြစ်သလောက်နီးပါးပါပဲ။ ဒါနဲ့ အနာဂါမ်ဆိုတာဒေါသမရှိဘူးလို့ တွေးမိပြီး သူ့အိမ်ရှေ့မှာ “အနာဂါမ် ဆရာပု” ဆိုပြီး ဆိုင်းဘုတ်ချိတ်ထားလိုက်ပါတယ်။

          ဒါနဲ့ လူငယ်တွေက ဒေါသရှိ..မရှိ စမ်းသပ်ချင်တာနဲ့ ညရောက်တော့ ဆရာပုအိမ်ကို ခဲနဲ့ဝိုင်းပေါက်ချလိုက်ရာ နောက်နေ့မနက်လည်းရောက်ရော ဆိုင်းဘုတ်က စာတန်းမှာ ချက်ချင်းပြောင်းသွား ပါတော့တယ်။

          စာတန်းပြောင်းသွားပုံက “သကဒါဂါမ် ဆရာပု”..တဲ့။

          ဆိုင်းဘုတ်က ပြောင်းသွားတဲ့စာတန်းကို ကြည့်ပြီး လူငယ်တွေက“သြော် သကဒါဂါမ်ဆိုတော့ ဒေါသရှိသေးတယ်ပေါ့”..လို့ နားလည်သွားကြရှာသတဲ့။

ထူးဆန်းတဲ့ ရဟန္တာ 

တစ်ခါက မန္တလေးနယ်ထဲမှာ ရဟန္တာ..ရဟန္တာဆိုပြီး လူတွေ ကြိတ်ကြိတ်တိုး သွားရောက် ဖူးမျှော်ကြပါတယ်။ စာတတ်ပေတတ်ဆရာတော်တွေ သွားရောက်စစ်ဆေးတော့ ရဟန္တာလို့သမုတ် ခံရတဲ့ ဆရာတော်က ရိုးသားစွာနဲ့ “တပည့်တော် ရဟန္တာ မဟုတ်ပါဘူး..ဘုရား”လို့ ပွင်းလင်းစွာ လျှောက်ထားသတဲ့။
          ဒါဆို အရှင်ဘုရား ဘာဖြစ်လို့ ရဟန္တာဆိုပြီး နာမည်ကြီးတာလဲ..လို့ ဆရာတော်ကြီးတွေက စစ်ဆေးတော့ ထိုဆရာတော် လျှောက်ထားပုံက…

          “တပည့်တော် လူနာမည်က ငတာပါ..ဘုရား။ ဖိုးသူတော်ဖြစ်တော့ ဖိုးတာလို့ ခေါ်ခံရတယ်။ ကိုရင်ဖြစ်တော့ ကိုရင်တာဖြစ်ပြီး ရဟန်းလည်းဖြစ်ရော ရဟန်းတာ..လို့ အခေါ်ခံရတာပါဘုရား..”တဲ့။

နိဗ္ဗာန်ရောက်သူ ၄ ဦး

 

တစ်ခါက မန္တလေးတောင်ပေါ်တက်ပြီး နိုင်ငံခြားသားတွေနဲ့ အင်္ဂလိပ်စကားပြောလေ့ကျင့်တဲ့ ကိုယ်တော်လေးတစ်ပါးရှိပါတယ်။ ဘာသာရေးစိတ်ဝင်စားတဲ့ တိုးရစ်တစ်ယောက်က ထိုကိုယ်တော် လေးအား “အရှင်ဘုရားတို့ ဗုဒ္ဓဘာသာမှာ နိဗ္ဗာန်ဆိုတာ လူသိများတယ်။ ခုအဲဒီနိဗ္ဗာန်ကို ရောက်တဲ့သူ ဘယ်နှစ်ဦးရှိပြီလဲ..”လို့ မေးလိုက်ရာ ကိုယ်တော်လေးက အင်္ဂလိပ်အသံထွက်ကလည်း တကယ် နားမယဉ်သေးတော့ နိဗ္ဗာန်ကို မျက်မှောက်အာရုံပြုနိုင်တဲ့ ပုဂ္ဂိုလ်တွေနဲ့လွဲပြီး ၄ ယောက်လို့ ရုတ်တရက် မှားဖြေလိုက်မိပါတယ်။ သူက သောတာပန်၊ သကဒါဂါမ်၊ အနာဂါမ်နဲ့ ရဟန္တာပုဂ္ဂိုလ်တွေကို ရည်ရွယ်ပြီး ဖြေလိုက်မိတာပါ။

တိုးရစ်ကမျက်နှာရှုံ့မဲ့ကာ…

          “အိုး တော်ပြီ၊ တော်ပြီ၊ အရှင်ဘုရားတို့ နိဗ္ဗာန်က လူနည်းနည်းပဲ လက်ခံတာ၊ ဒါကြောင့် သူတရားအားမထုတ်ချင်တော့ဘူး” လို့ ပြောပြီး စိတ်ပျက်ပျက်နဲ့ ပြန်သွားရှာသတဲ့…။